नेपाली हास्यव्यङ्ग्य अनलाइन पत्रिका

हेम अधिकारी :

छोरी हुन् घरमा जहान सबमा प्रेमाश्रु बर्साउने
आमाका मनका ,पृया जनकका श्रीसूर्य झल्काउने
छोरीको मुखसम्म हेर्न नमिले मातापिता हुन् बरा !
नासी गर्भ विनास हुन्छ नि कठै! हे जन्मदात्री धरा ॥३०

आफन्ती जनका, छिमेक सबका ,छोरीहरू आउँदा
बाआमा खुस, ल्याउँदा अति मिठा राम्रा मिठाई सदा
क्या आनन्द खुले ,खुले सुमनझैँ छोरी भएकाहरू
झारी भल्भल आँसु धर्धर भयौँ छोरी बिनाकाहरू ॥३१

हाँसेका तनया सबै मिलनमा यो तीज प्यारो कति
सारा दुःख भुलेर हर्षित भई आनन्द मिल्ने अति
हेर्छाैँ वृद्ध बसेर गाउँघरमा तारा झलल्लै भए
छोरी छैन कठै कटक्क मुटु भो पीडाश्रु वर्षा भए ॥३२

जीर्णाेद्धार हुँदैन यो मन यसै, छोरी पियारी नभै
पानीनै नहुँदा नदी बगरझैँ सुख्खा भएको सधैँ
हाम्रो सभ्य समाज के हुन गयो उल्टो दिशामा गयो
अर्काको मतिमा निशिद्ध गतिमा आफैँ निसाना भयो ॥३३

०००
दमक, झापा