नेपाली हास्यव्यङ्ग्य अनलाइन पत्रिका

कविराज घिमिरे :

सुत-सुता घरका बलिया हुन
गगनमा सहजै करले छुन
हुनु छ यी सबका खुद चालक
सफल वृद्ध बनौँ हुन पालक ।। १

जब भयो बलियो घरको मियो
अनि बन्यो गतिलो परिवार त्यो
दृढ भई अनुशासनमा बसौँ
समय यो बटुली पटुकी कसौँ ।। २

जल मिले मलले विरुवाहरू
श्रम भई पसिना-रसले अरू
फल दिएर छिटो हुन तृप्तता
सफल वृद्ध बनौँ लिन मित्रता ।। ३

जतन होस् धनको मृदुभास होस्
सफलता बहुधा स्थिरमा रहोस्
भव सबै थलियोस् अनिकालको
सफल वृद्ध बनौँ सहकालको ।। ४

समयको गतिमा न बगेपछि
कति परे तल ती न बुझेपछि
तर भयौँ अब ता शुभ चेतक
सफल वृद्ध बनौँ परिवर्तक ।। ५

०००
भक्तपुर