देवराज तिवारीलाज लागेजस्तो
बदल्न खोज्दाखोज्दै फेसनको रूप हेर्नुस् ब्लाउजसँग लगाएको जाँगेजस्तो भयो ।
देवराज तिवारी :
कता कता लाज लागेजस्तो भयो
इसारामा सहयोग मागेजस्तो भयो
बोलाएर सुटुक्क वास्ता नगर्दा भने
बचेको इज्जत पनि भागेजस्तो भयो
जब उड्यो भरोसाको त्यान्द्रो माथि माथि
आफ्नै कवचले आखिर दागेजस्तो भयो
फेर्दै जाँदा स्वादको खोजीमा वस्तुहरू
नयाँ कोट बुख्याँचामा टाँगेजस्तो भयो
बदल्न खोज्दाखोज्दै फेसनको रूप हेर्नुस्
ब्लाउजसँग लगाएको जाँगेजस्तो भयो ।
०००
बुटवल -११, कालिकानगर रुपन्देही, हाल : हेटौँडा -४, मकवानपुर
Subscribe
Login
0 Comments
Oldest
