नेपाली हास्यव्यङ्ग्य अनलाइन पत्रिका

कविराज घिमिरे :

मूर्ति हुन् करुणका प्रकाश यी
भाग्दछन् विनयले दुसाध ती
ज्ञानका शिखर हुन् महोदय
वृद्ध आश्रम बनुन् शिवालय ।। १

नाउँमात्र यिनका लिँदै कति
वृद्ध आश्रम बने भटाभटी
छैन लक्ष्य गतिलो छ संशय
वृद्ध आश्रम बनुन् शिवालय ।। २

वृद्धशक्ति बटुली रमाउने
छन् यहीँ कति जना कमाउने
बन्द होस् शकुनिको सबै छल
वृद्ध आश्रम बनुन् शिवालय ।। ३

वृद्ध हुन् शिव महान् र पार्वती
राख्नुपर्छ घरमा छ के खती ?
फर्क फर्क अब ता स्व-आलय
वृद्ध आश्रम बनुन् शिवालय ।। ४

छन् त्यहाँ कति जना विषादमा
पर्दछन् कति जना विवादमा
खानलाउन यसै छ खाडल
वृद्ध आश्रम बनुन् शिवालय ।। ५

ए ! खराब मतिकाहरू गुन
जानुपदर्छ सबै बुढो हुन !
ख्याल होस् सकलमा हुँदा बल
वृद्ध आश्रम बनुन् शिवालय ।। ६

०००
भक्तपुर