नेपाली हास्यव्यङ्ग्य अनलाइन पत्रिका

अमर सन्तति :

१.
अनकौँ कुरा झूठो जाली पनि मीठो लाग्छ
अधरमा पोतिएको लाली पनि मीठो लाग्छ
सुन्न अभ्यस्त भएर होला यी कानलाई पनि
तिम्रो त अचेल तीतो गाली पनि मीठो लाग्छ ।

२.
नेतृत्वलाई केवल यहाँ कुर्सीको नै चाहा हुने
अरुतिर छैन चासो सत्ताको खेल थाहा हुने
लुछाचुँडी गर्दागर्दै दशकौँ बिते अलमलमै ,
कहिले गर्लान् काम यिनले सबैतिर आहा हुने !

३.
मान्छे बेची महल ठड्याई घरबार चलाउनेलाई
जनताको सपनामाथि खुँडा तरबार फलाउनेलाई
कडा कार्वाही थाल्नुपर्यो आँट गरी सरकारले
संसद भवन सर्वोच्च र सिंहदरबार जलाउनेलाई ।

०००
भक्तपुर