नन्दलाल आचार्यकुर्सीमा बसेका नयाँ मान्छे
गरेका छन् कि कसम पूरा ? सोध्लान् ती रित्ता थालले तारे होटलका थालमा बल्ने दियो हुन् नयाँ मान्छे ।
नन्दलाल आचार्य :
कसम खाएर कुर्सीमा बसेका छन् नयाँ मान्छे
पुरानै रोगका ताजा भरोसा हुन् नयाँ मान्छे ।
लगाए शपथको माला, भिरे पदको नयाँ चस्मा
अहो ! यो देशकै चम्किला ऐना हुन् नयाँ मान्छे ।
नमेटिँदै ती हातका छाप, बदलिएका छन् शैली
भोलि बिर्सने बाचाको एउटा पाना हुन् नयाँ मान्छे ।
सदनमा छिरेपछि हेर्नु, कस्ता “गुल” फुलाउँछन्
जनताको भोक बिर्साउने बाजा हुन् नयाँ मान्छे ।
गरेका छन् कि कसम पूरा ? सोध्लान् ती रित्ता थालले
तारे होटलका थालमा बल्ने दियो हुन् नयाँ मान्छे ।
०००
सिर्जनाकुटी, गोलबजार, सिरहा
Subscribe
Login
0 Comments
Oldest
