काशीनाथ मिश्रितलाशमा राजनीति भो !
हुकुमबासी कहाँ भागे सुकुमबासी थला परे दरिद्र जनता मारी लाशमा राजनीति भो ! झुक्याए झुक्किनुपर्छ ठगे ठगिनुपर्दछ! ठग्ने झुक्याउने मात्र खासमा राजनीति भो !?
काशीनाथ मिश्रित :
झर्ला र खाउँला भन्ने आशमा राजनीति भो !
देखिए सबका दाह्रा त्रासमा राजनीति भो ।
निमुखा जनता उस्तै खोक्रो पेट मुसार्दछन् !
बल्लतल्ल जुटाएको गासमा राजनीति भो ।
बेचिँदैछन् नयाँ शैली अपनाएर मानव
तिमी मालिक भेँडो म, बासमा राजनीति भो !!
हुकुमबासी कहाँ भागे सुकुमबासी थला परे
दरिद्र जनता मारी लाशमा राजनीति भो !
झुक्याए झुक्किनुपर्छ ठगे ठगिनुपर्दछ!
ठग्ने झुक्याउने मात्र खासमा राजनीति भो !?
०००
गुल्मी
Subscribe
Login
0 Comments
Oldest
