काशीनाथ मिश्रितमिश्रितले गर्छ चियो किन ?
सुकुमवासी बन्नुपर्दा हाड, मासु, छाला, आन्द्रा, भुँडी सबै मरे ज्युँदै फियो किन ? राहत बाँड्छन् ठुलाठालु आफन्तलाई हेरी जान्दा जान्दै मिश्रितले गर्छ चियो किन ?
काशीनाथ मिश्रित :
पीडा भुल्न भनी उसले रक्सी पियो किन ?
गरिब थियो दुःख सही जीवन जियो किन ?
च्यातिएका लुगाफाटा बटुलबाटुल पारी
चिरा पारी उध्रिएको मन सियो किन ?
तिर्न सक्ने जायजेथा छँदै छैन आफ्नो
जान्दा जान्दै साहूसँग रिन लियो किन ?
सबै बस्छन् महलमा उसको झुप्रो घर
उसैलाई सम्पत्तिले धोखा दियो किन ?
भूकम्पर पहिरोको मारमा पर्ने उही
उही बाढी पीडितमा पर्नु थियो किन ?
सुकुमवासी बन्नुपर्दा हाड, मासु, छाला,
आन्द्रा, भुँडी सबै मरे ज्युँदै फियो किन ?
राहत बाँड्छन् ठुलाठालु आफन्तलाई हेरी
जान्दा जान्दै मिश्रितले गर्छ चियो किन ?
०००
गुल्मी
Subscribe
Login
0 Comments
Oldest
