नन्दलाल आचार्यपाँच खित्कौली
आजभोलिको प्रेम त गज्जबको हुन्छ, मर्छु भन्दै फकाउने शैली अचम्मको हुन्छ । रिचार्ज नसकिउन्जेलसम्म मात्र चल्छ यो पिरती, पैसा सकिएपछि त रूप अर्कै नस्लको हुन्छ ।
नन्दलाल आचार्य :
१.
सधैँ पसल धाउँछौ तर दाम दिँदैनौ,
बोल्छौ मात्र ठूला कुरा, काम दिँदैनौ ।
चिया-चुरोट सित्तैमा उडाउन पाएपछि,
साहुजीलाई कहिल्यै तिमी आराम दिँदैनौ ।
२.
अचेल मोटो भएँ भन्दै डाइटिङ गर्छु,
मोटोपन घटाउन अब फाइटिङ गर्छु ।
लुकी-लुकी भान्सा पसेर बफ मःम खाँदै,
फेसबुकमा चाहिँ ‘भोकै छु’ भनी राइटिङ गर्छु ।
३.
चुनावमा झुटा कुरा ओकल्नुहुन्छ नेताज्यू,
सधैँ चिल्ला गाडीमा मात्र गुँड्नुहुन्छ नेताज्यू ।
जितेर गएपछि खोज्दा पनि भेटिन्न कतै,
बजेट भाषण आउँदा मात्र उफ्रनुहुन्छ नेताज्यू ।
४.
राम्रो देखिन कति धेरै फिल्टर हाल्छौ,
लाइक नआए फेसबुकमै चिल्टर हाल्छौ ।
वास्तविकता लुकाएर सोसल मिडियामा,
भैँसीजस्तो अनुहारलाई पनि मिल्टर हाल्छौ ।
५.
आजभोलिको प्रेम त गज्जबको हुन्छ,
मर्छु भन्दै फकाउने शैली अचम्मको हुन्छ ।
रिचार्ज नसकिउन्जेलसम्म मात्र चल्छ यो पिरती,
पैसा सकिएपछि त रूप अर्कै नस्लको हुन्छ ।
०००
२०८३ असार २५ गते ।
सिद्धार्थटोल, उदयपुर ।
Subscribe
Login
0 Comments
Oldest
