नेपाली हास्यव्यङ्ग्य अनलाइन पत्रिका

ठाकुरप्रसाद अधिकारी :

वुढो विद्वान आफ्‌नै अफिसमा गजधुम्म भएर बसेको थियो । यो उसको कर्पोरेट कम्पनीको अफिस हो । यसको हाकिम ऊ आफै हो अफिससँग कारोवार हुने गरेका अरु कम्पनीहरूतिर पनि उसको चर्चा बहुत चल्ने गरेको छ । कार्यालयमा ऊबाहेक अरू पाँच जना कर्मचारीहरूले काम गर्ने गरेका छन् ।

एक दिन बुढो विद्वानले आफ्‌नो कार्यकक्षमा सवै कर्मचारीलाई बोलाएर भन्योे ‘साथी हो ! अब म तिमीहरूलाई कार्यवाहक दिन्छु तर तिमीहरूको परीक्षा पनि लिन्छु है !’

परीक्षाका लागि पाँचै जना कर्मचारीलाई पालैपालो कार्यवाहक दियो । क्रमैसँग उनीहरू अब अफिस सम्हाल्न थाले ।
बुढो हाकिमले पनि पहिलो दोश्रो तेश्रो गरि उनीहरूको कार्यक्षमता र दक्षता हेर्दै गयो । चौथौसम्म हेरेपछि उसले पाँचौँका पालामा थप नयाँ कुरा अघि सार्‍यो । उसले सवैलाई आफ्‌नो कार्यकक्षमा बालायो । सबैजना काम छोडेर हाकिमको सामुन्नेमा पुगे ।

हाकिमले चलाखीपूर्ण तरिका अपनाउँदै एउटा कामको कमिशन वापतको पोको फुकाउँदै पाँचौँ कार्यवाहकलाई सोध्यो– ‘तिमीले यो पोको कहाँ देखेका थियौ ?’ उसले सहज उत्तर दियो ‘हाकिम साहेब मैले यो पोको त हजुरकै टेवुलमुनि देखेको हुँ नि ! त्यहिँबाट झिकेर ल्याउनु भएको होला त !’

यो सुनेपछि हाकिम खुशीले गदगद भयो । उसले सबैलाई उत्तम घोषित गरिदियो । परीक्षामा उत्तीर्ण भएकामा उनीहरू पनि झन् बढी खुशी हुने नै भए । तर बुढो हाकिमको कालो कर्तुत थाहा पाउँदा भने उनीहरू आश्चर्यचकित हुन पुगे ।

०००
तुप्चे – ४ चनौटे, नुवाकोट  । हाल काठमाडौ १५ चमती
काठमाडौ