नेपाली हास्यव्यङ्ग्य अनलाइन पत्रिका

मिलन समीर :

अरेको कुरा त गर्दै नगर्नुहोला
गरेको कुरा त गर्दै नगर्नुहोला

अन्नादि खानै छोडिदिएर घाँस
चरेको कुरा त गर्दै नगर्नुहोला

नयाँ हो भनेर अझ पुरानै भ्रम
छरेको कुरा त गर्दै नगर्नुहोला

आफू स्वयं आफ्नै नजरबाट
झरेको कुरा त गर्दै नगर्नुहोला

केही हुन्छ भन्ने झिनो आशा
टरेको कुरा त गर्दै नगर्नुहोला

डुङ्गा चढेरै खहरेले महासागर
तरेको कुरा त गर्दै नगर्नुहोला

वल्लो पल्लो घरमा सरिरहने
नरेको कुरा त गर्दै नगर्नुहोला

इतिहासकै अफ्ठ्यारोमा देश
परेको कुरा त गर्दै नगर्नुहोला

नयाँ बोत्तल, उही पुरानै रौसी
भरेको कुरा त गर्दै नगर्नुहोला

तथाकथित नयाँहरु झन् ज्यूँदै
मरेको कुरा त गर्दै नगर्नुहोला

बुद्धि- विवेकले अन्यत्र बसाइँ
सरेको कुरा त गर्दै नगर्नुहोला

समयले स्वदेशको अमनचयन
हरेको कुरा त गर्दै नगर्नुहोला !

०००
करादीखोला, स्याङ्जा ।