नेपाली हास्यव्यङ्ग्य अनलाइन पत्रिका

आऊ हामी बजार जाऔँ
केही घुमफिर गरेर आऔँ
अलिअलि मस्ती सस्ती खाऔँ
केही किनमेल गरी ल्याऔँ ।।१

शहीदका भत्केका सपना
मुरीदका लत्केका बिपना
मनभरि चर्केका अभिलाषा
बाकसमा फर्केका लास ।।२

यी सबका फोटा खिचिहालौँ
मुटुमा दुख्ला त्यो थिचिहालौँ
भोलि त यसको पूँजी होला
भिक्षापात्र पसार्ने वेला ।।३

हाम्रो पेट कसैले भर्ला
चाहे हाम्रै इज्जत हर्ला
भोलि जसो ता पर्ला पर्ला
अहिले जसतस बाँच्नै पर्ला ।।४

हाम्रो दुश्मन कोही छैन
मनमा दोमन केही छैन
खनखन सुन्ने हाम्रो इच्छा
जनि गर कि नगर देऊ भिक्षा ।।

काठमाडौं