रमेश खकुरेलटीचर
कालो पाटी पुछ्ने डस्टर फट फट चप्पल हात रजिस्टर मोतीदाना सुन्दर अक्षर यी हाम्रा टीचर् । शिष्य छ हाकिम साहु मिनिष्टर ।
रमेश खकुरेल :
टि ई ए टी टी माने चिया
दूध नपाए सादै गर्
चीनी नभए खल्लै गर्
केही नजुरे टीचर्
यी हाम्रा टीचर्।
बाबा बाजे आमा अजिमा
यौटा बच्चो सब छन् थर्थर
नब्बे बच्चा यौटा सर
यी हाम्रा टीचर ।
उसिना चामल दाल छ हर हर
गुन्द्रुक चटनी खुर्सानी छर्
शिक्षा प्रोटिन भोजन गर्
यी हाम्रा टीचर् ।
कालो पाटी पुछ्ने डस्टर
फट फट चप्पल हात रजिस्टर
मोतीदाना सुन्दर अक्षर
यी हाम्रा टीचर् ।
शिष्य छ हाकिम साहु मिनिष्टर
क्यै देला कि नमस्ते गर्
भोको घरमा यौटै कचकच
यी हाम्रा टीचर् ।
योग्य शिष्य हून् जनता घर घर
शिक्षा सोच बिचारी गर
प्रहरी लाठी मनमा धर
यी हाम्रा टीचर् ।
०००
कमलपाेखरी, काठमाडाैं
Subscribe
Login
0 Comments
Oldest
