नेपाली हास्यव्यङ्ग्य अनलाइन पत्रिका

अमर सन्तति :

१.
भ्रष्टाचारको भङ्गाल बनाउनु भो
फोहोरको त्यो मङ्गाल बनाउनु भो
आफू र आफन्तलाई बनाएर अमिर ,
देशलाई आज कङ्गाल बनाउनु भो ।

२.
अर्कै थियो इज्जत अनि अर्कै थियो मान
बाउ – बाजे किन्थे खेत बेची पहिले धान
फेरिएर आयो कस्तो समाजको रीत पनि ,
छोरा नाति बेच्छन् खेत चामल किनी खान ।

३.
गरिबलाई बास न कपास छैन खाने रासन
उस्तै रहेछ जो आए नि सत्ताको त्यो आसन
कति भए क्रान्ति परिवर्तन जनताकै नाममा,
कहाँ आयो खै झुपडीमा जनताको शासन ?

०००
भक्तपुर