सक्षम र सवल प्रदेश,सुनिश्चित अधिकार

पोलेको मकै

बुढा कम्ता खप्पिस छैनन् छानेर रोजेरै त मकै लिए होलान् । गोरुलाई मकैको खोस्टो खुवाए कि खुवाएनन् होला ? गोरुले त खोया पनि मिठो मानेर चपाउँछ । बुद्धि पोलेर खानु भन्छ त मकै पोलेरै खाएको राम्रो कि कसो ?

Nepal Telecom ad

एउटा गाडा चालकले बुद्धि पोलेर खाएकै दिन बाटोमा पोलेको मकै किनेर (?) खाएछन् । त्यो आगोको भुङ्ग्रोमा हरियो मकै हालेर हातले टिनको पाता हल्लाएर हावा दिँदै मकैको बाहिरी परत डड्ने गरी पोलेको मकै पोलिएको बुद्धि भन्दा चाहिँ पक्कै स्वादिलो थियो होला ।

गाडा चालकले पोलेको मकै खाएको समाचार एकैछिनमा सर्बत्र फैलियो । त्यो मकै स्टलमा कत्रा कत्रा देशी बिदेशी मनुवाहरूले पोलेको मकै खाँदा कहिल्यै समाचार बनेन । फोटोसम्म देखिएन । तर एकजना गाडा चालकले पोलेको मकै हातमा के लिएको थियो ठुलै कुरा केही भयो कि झै गरि सञ्जाल हल्लियो ।

यसो कहिलेकाहीँ फुत्त कतै निस्कँदा खुत्रुक्क गाडा चडेर हिँड्न पाएका पटके सुबिधाभोगीहरू त झन लम्पसारै परेर बखान गर्न मिल्दो उखान खोजेर बिन्तिभाउ गर्न समेत पछि परेनन् । जाँदा बोको चराउन हिँडेका चालक फर्कदा भोकाएछन् त्यसैले पोल्या मकै किनेर नै त खाए होला कुन ठुलो कुरो भयो र ? बरु मकैसँगै हरियो खोर्सानी र नुनको अचार चाहिँ चाटे कि चाटेनन् ? खै समाचार ? एकछिन अगाडि मात्रै बुद्धि पोलेर खाँदा टिमुरको अचार चाटेका होलान् त्यै स्वादसँग फ्युजन गरे कि ?

गाडा दौडाउँदा गोरुलाई औलाले घोचिघोची औलै बांगो पारेका चालकले मकै कसरी छोडाए ? यो पनि जिज्ञाषाको विषय थियो तर त्यता तिन कसैले ध्यान पुर्‍याएको देखिएन । अब बिस्तारै गर्मी सुरु हुँदैछ, कुनैदिन ठेलामा बेच्न राखेको काँक्रोमा नुनखोर्सानी दलेर कर्‍याम कर्‍याम पारेको समाचार पनि सुन्न देख्न पाइन्छ होला । “मर्ने बेलामा हरियो काँक्रो” भन्ने उखान किन बनाएका होलान् पुर्खाले ?

ती गाडा चालकले खाएको मकैमा कति लस्कर मकै थियो भन्ने कुरा समाचारमा उल्लेख भएको पाइएन । मकैमा आन्तरिक लहर भन्नाले खोयाको वरिपरीको लाईन बढिमा १६ हुन्छ भनेको सुने जस्तो लाग्छ यकिन गर्न सकिनँ । कुनै कुनै मकैमा त यस्तो अरिमुठ्या बेलाइनको लस्कर हुन्छ कि के भन्नु छोडाउनै गाह्रो । बुढा कम्ता खप्पिस छैनन् छानेर रोजेरै त मकै लिए होलान् । गोरुलाई मकैको खोस्टो खुवाए कि खुवाएनन् होला ? गोरुले त खोया पनि मिठो मानेर चपाउँछ । बुद्धि पोलेर खानु भन्छ त मकै पोलेरै खाएको राम्रो कि कसो ?

०००
गल्कोपाखा, काठमाडौं

Fitkauli Publication Books comming soon
Nepal Telecom ad
ग्यास्ट्रिक बिग्रियो

ग्यास्ट्रिक बिग्रियो

अशोककुमार शिवा
अन्तरद्वन्द्व

अन्तरद्वन्द्व

अशोककुमार शिवा
मृगतृष्णा

मृगतृष्णा

अशोककुमार शिवा
भाउ बढेछ

भाउ बढेछ

अशोककुमार शिवा
याद

याद

अशोककुमार शिवा
राष्ट्रका गहना

राष्ट्रका गहना

अशोककुमार शिवा
ग्यास्ट्रिक बिग्रियो

ग्यास्ट्रिक बिग्रियो

अशोककुमार शिवा
खुइलिएको तालु

खुइलिएको तालु

होम सुवेदी
दौरासुरुवाल र टोपी आतङ्क

दौरासुरुवाल र टोपी आतङ्क

तिलकराज शर्मा पाैडेल
रहस्य खोइ बुझिस् !

रहस्य खोइ बुझिस् !

चूडामणि रेग्मी