नेपाली हास्यव्यङ्ग्य अनलाइन पत्रिका

अशोककुमार शिवा :

झट्ट हेर्दा हजुर हाम्रो देश दामी छ
सबै ठिक छ हजुर मनमा चैन कमि छ
देश चलेर के गर्नु ऋणै ऋणमा छ
जनताको थाप्लोमा अनेकौं पीडा पीडै छ ।

पूर्व पश्चिम हजुर उत्तर दक्षिण चारै दिशा हजुर
नियालौँ एकैछिन पिच गरेर के गर्नु खन्याखन्यै छ
चौतर्फी विकास भाको छ भन्याभन्यै छ ।

महँगीले हजुर आकाश छोएको छ
किनीखाने हजुर जन सबै रोएको छ
जग्गाजमिन के गर्नु र हेर सबै बाँझाे छ
युवालाई वैदेशिक निर्यातको चाँजोपाँजो छ ।

तीस वर्षमा हजुर आएको मेलम्ची पानी दिन हजुर
गर्दैछन खेलाँची घारा भएर के गर्नु भ्याउताे कराउँछ
पानी थाप्न राखेको भाँडो दिउसै हराउँछ ।

नेता हिँड्छन हजुर करोडको गाडीमा
युवा सबै हजुर गैसके खाडीमा
घरमा भने सबैका वृद्ध मात्रै छन्
के गरून् वृद्धलाई बेहालको जात्रैमात्र छन् ।

फूल फुलेर के गर्नु भिरै भिरमा छ
जिन्दगी चल्न त चल्या छ पीरे पीरमा छ ।

०००
काठमाडौ