नेपाली हास्यव्यङ्ग्य अनलाइन पत्रिका

कृष्ण प्रधान :

पात्रहरू – चित्रगुप्त, हाँसुली, अजिङ्गरे, मलसाप्रे, इन्सपेक्टर, ओसी ।

चित्रगुप्त – सर हामी पनि च्यातिउँ होला । (बाइक स्टार्ट । दुवै प्रस्थान । दुवैजना .चिया दोकानमा पुग्छन्) ।

हाँसुली – (खुसी हुँदै) नमस्कार दाज्यूहरू । आमामामा… आज कति दिनमा दाजुहरूको अनुहार देख्नु पाएँ हौ ।

अजिङ्गरे – कोरोनाले हाँसुली बैनीसित नभेट्लास् भनेपछि…

मलसाप्रे – कसको के लाग्यो र ?

हाँसुली – अम्मुई के साह्रो डर हौ कोरोनासित । घरकै कोरोनासित थुरथुर होला । (यतिबेला पुलिस भ्यान आएर घ्याच्चै रोकिन्छ । इन्सपेक्टर र ओसी ओर्लिएर सोझै चिया दोकानमा आउँछन्) ।

सबै – नमस्कार सर ।

इन्सपेक्टर – हन तिमीहरू अझै घर पुगेका छैनौ ?

हाँसुली – बल्ल निस्किनु पाको खोरबाट सर…

ओसी – छिटो घर गयो भने ता भाउज्यूले डङ्गुर भाँड़ा थुपारिदिएककी हालिन् !

अजिङ्गरे – खै सर ! अरु केही हुन नसके पनि यो लकडाउनले भाँडा पाइलट ता बनाएको छ ।

मलसाप्रे – मलाई चाहिँ वाशिङ मेशिन बनाएर केही छैन ।

इन्सपेक्टर – र ता यहाँ मोराहरू अहिलेसम्म पनि अल्याङ टल्याङ् गरिररहेका रहेछन् ता ।

हाँसुली – हैन सर ! दाजुहरू मेरो दोकानमा आएपछि ढिलै जान्छन् हई ! सरहरूलाई चिया बनाउँ सर ।

मलसाप्रे – चारवटा बनाऊ । दुई दुईवटा अण्डाकोक अमलेट पनि ल ।

इन्सपेक्टर – म अण्डा खान्न आज ।

अजिङ्गरे – आज मङ्गलबार भनेर सर ?

ओसी – म पनि खान्नँ अण्डा । मङ्गलबार हामी अण्डा खाँदैनौँ ।

मससाप्रे – मङ्गलबार ता म पनि काँ खान्छु र!

अजिङ्गरे – केई हुन्न हौ । म पनि खान्नँ नि । बैनी यसो गरन । प्याज नहाली अमलेट बनाउ न ।

इन्सपेक्टर – ठैट ! अण्डा आखिर अण्डै हो ।

अजिङ्गरे – अण्डा पनि कुन चैँ रोमाण्टिक अण्डा हो र ! कन्ये पोथीको ता होनि सर ।

ओसी – त्यसो भए प्यान राम्ररी माझ ल… प्याज परेको होला।

हाँसुली – मङ्गलबार, शञ्चबार ता म अण्डामा प्याजै चलाउँदिनँ नि सर ।

पर्दा खस्छ ।

०००
सिलिगुडी (भारत)