नेपाली हास्यव्यङ्ग्य अनलाइन पत्रिका

अन्जु शर्मा :

“आमा ! माफ् गर । म तिम्रो कोखबाट बाहिर आउन चाहन्नँ । म कोखभित्रै असुरक्षित महसुस गर्दै गर्दा स्कुल, कलेज, अफिस, होस्टेल सबै बलत्कारका अखडा जस्ता भए । म पीडादायी मृत्युवरणका लागि किन जन्मनु ?”

“छोरी जन्माउने मेरो चाहना हो; म तिम्रो सुरक्षाको पहरेदार म आफै बन्छु ।”
“हा हा..! जुन देशको कानुन मृत छ, त्यो देशका आमाको आवाज कसरी बुलन्द हुन्छ ? बाइ….।”
“तिमी जन्मनु पर्छ, म तिमीलाई जन्माउछु । छोरी बिना सृष्टि बन्द हुन्छ । मृत कानुन ब्युताउनु पर्छ ।”

“हैट ! मध्यरातमा के के बर्बराउछे यो आइमाई ? बहुलाही कि क्या हो ? उसले भन्यो ।
“कति सजिलोसँग दोष लगाउनु हुन्छ हँ ? म बहुलाएकी छैन, सपनामा पनि मृत कानुन भएको देशमा म जन्मन चाहन्नँ भनेर गर्भकी छोरी इन्कार गर्दै छे ।” उनले भनिन् ।
श्रीमतीका कुराले उ एकदमै स्तब्ध भयो ।

०००
रातोपुल, काठमाडौं