नेपाली हास्यव्यङ्ग्य अनलाइन पत्रिका

गोपाल काफ्ले :

१.
अचेल मेरो गाउँ ताजा फलफूल र तरकारी खाँदैन
खेल्न, कुद्न, व्यायाम गर्न खुल्ला मैदानमा जाँदैन
झटपट गरेर चटपट खान्छ र गेम खेल्छ मोबाइलमा…
यस्तो पाराले सन्ततिलाई समृद्धिको सुमार्गमा लाँदैन ।

२.
श्रीमान् रगत पसिना बगाउँदै छ खाडीमा
श्रीमती खासलीला गर्छिन् अर्कैको गाडीमा
चिन्ता लाग्छ किन बढ्दै छन् यस्ता घटना अचेल ?
अवैध गर्भ रहेपछि शिशु फाल्छन् झाडीमा … !

३.
अचेल वृद्धाश्रमको आभाष हुन्छ हाम्रो ठाउँमा
गैरी खेतको शहरमा केही धुर घडेरी छ उसको नाउँमा
घरमा वृद्ध बाआमा एक्लै ; बुहारीको डेरा छ सरदरमुकाममा ..
हिजोआज भएजति सबै जग्गा बाँझै छ मेरो गाउँमा !!

०००
सिन्धुली