नेपाली हास्यव्यङ्ग्य अनलाइन पत्रिका

डा. विदुर चालिसे :

– “थुकौँ !”
– “कसलाई ?”
– “राष्ट्रपतिलाई !”
– “हैन, हैन, पुरानो राजालाई थुकौँ !”
– “थुकै आउँदैन, के थुक्नु !”
– “उसो भए प्रधानमन्त्रीलाई थुकौँ !”
– “मन्त्रीहरूलाई पनि थुकिदिउँ न !”
– “जल खाएको छैन !”
– “कसरी थुक्ने त ?”
– “भैँसीमाथि चढाएर !”
– “आफै भैंसीजस्ता छन्, के थुक्नु !”
– “थुक्ने त ?”
– “थुकै सुकिसक्यो, के थुक्नु त !”
– “लौ त्यसो भए, प्रतिपक्षलाई थुकौँ उसो भए !”
– “उ आफै अरूलाई थुकिरा छ के थुक्नु त्यस्तालाई !”
– “थुक्ने हो भने माथितिर फर्केर थुकौँ !”
– “आफैंतिर पर्छ के थुक्नु त !”
– “उसो भए भुक सम्मेलन गरौँ ! सम्मेलनमा सबैजना एकै ठाउँमा आउँछन् । अनि एक एक गरेर छानी छानी थुकौँला !”
– “त्यहाँ थुक्दा गँवार भइन्छ !”
– “भित्तातिर फर्केर थुकौँला नि !”
– “तपाईं पनि पान खानु हुन्छ र ?”
– “पान त खान्न पानको पातचाहिँ मन पर्छ !”
– “जडि कुरा थाहा भो !”
– “के थाहा भो ?”
– “तपाईं त मभन्दा पनि पिपलपाते हुनुहुँदो रहेछ !”
– “बल्ल कुरा बुझ्नु भो ?”
– “नबुझेको भए म कहिल्यै दलाल बन्दिन थिएँ !”
सबैले घुटुक्क थुक निले, खोके, ठ्यास ठ्यास गरे । अनि नारा लगाउन थाले ।
– “जनक्रान्तिको सफलता !”

०००
काठमाडौं