नेपाली हास्यव्यङ्ग्य अनलाइन पत्रिका

बासुदेव तिमल्सिना :

“बा ! हजुरले मुद्दा जित्नु भो । बधाईं छ ।” मुद्दा खेपिरहेका बुढा बालाई पेसीको दिन सुनुवाई सकिएपछि न्यायाधीशले फैसला सुनाउँदै भने ।
“धन्यवाद श्रीमान् ! हजुरको छिटो बढुवा भएर थानेदार हुनुहोस् ।”

यो सुनेर वकिलले छक्क पर्दै भने, “थानेदार भन्दा त श्रीमान् धेरै ठूलो हुनुहुन्छ नि बा । के भन्नुभएको त्यस्तो !”
बुढा बाले भन्दै गए, “होइन वकिल साहेब । थानेदार नै ठूलो हुनुहुन्छ नि ।”
“कसरी ?” वकिलले जिज्ञासा राखे ।

“श्रीमानले मुद्दाको किनारा लगाउन दश बर्ष लगाउनु भो । थानेदारले त्यहीबेला पचास हजार दिनोस् बुढा बा म अहिले नै तपाईंको मुद्दालाई रफादफा बनाइदिन्छु भन्नुभएको थियो । अनि भन्नोस त को ठूलो ?”

०००
लालबन्दी, सर्लाही