नेपाली हास्यव्यङ्ग्य अनलाइन पत्रिका

डा. कपिल लामिछाने :

छिमेकी सत्यवान्‌को अकस्मात् निधन भयो ।

सावित्री सुँकसुकाउन थाली ।

यमदूतलाई देख्नेबित्तिकै उसले पुकारा गरी, “हे यमदूत ! एक्कै मिनेटका लागि मेरो सत्यवान्लाई ब्युँताइदिनुहोस् न प्लिज ।” यमदूतले भने, “हैट् । हुन्न । विधिको विधान !”

उसले बिन्ती गरी, “विधिको विधान म मान्दिनँ कहाँ भनेकी छु र ? बरु जे भने पनि मान्छु । एक्कै मिनेटका लागि ब्युँताइदिनुस् न प्लिज ।”

ऊ आफैँ यमदूतसित टाँसिन पुगी।

एकछिन सावित्रीको न्यानो तापेपछि यमदूतले यताउति हेरेर भने, “ल ल । एक मिनेट होइन, आधा मिनेट दिन्छु । हुन्छ ?”

“हुन्छ, प्रभु !” सावित्रीले हात जोडेर भनी ।

यमदूतले सत्यवान्लाई ब्युँताइदिए ।

सत्यवान्ले आँखा खोल्नेबित्तिकै सावित्रीले छातीमा घोप्टिँदै भनी “सत्य ! मोबाइल बैंकिङको पासवर्ड भन त । छिट्टो !”

०००
भैरहवा