नेपाली हास्यव्यङ्ग्य अनलाइन पत्रिका

लक्ष्मण नेवटिया :

म बाहिर कठ्याङ्ग्रिँदै
चिसोले थुर थुर
खोज्दै थिए कहाँ कता
बलेको छ घुर
उता मजाले सीटमा
रमाउँदै थियो
मेरै अगाडिको चम्किलो गाडीमा
ऊनी कोट लाएको विदेशी कुकुर।

आफ्नु त रगत पनि थियो जम्दै,
भोकाएको समेत थिएँ उग्रै
अहो! कुकुरको त्यस्तो भाग्य,
आफ्नो भने यस्तो झूर !
आफ्नै भाग्यलाई गाली गरें भरपूर !

अनि सोच्न थालें
अहा! कति राम्रो हुन्थ्यो
जन्मेको भए भएर कुकुर ।
यतिकैमा नजिक आएर बस्यो
खरानी दलेको, जीउ गलेको कुकुर।

सबै मीठा कल्पना
उसको देखेर दुरावस्था
एक क्षीण मैं उडे फुरर्……

०००
विराटनगर