नेपाली हास्यव्यङ्ग्य अनलाइन पत्रिका

प्रा. डा. विदुर चालिसे :

कामदारकाे श्रीमती काम गर्दैन थिइन । जिज्ञासु थिइन । सचिवकाे श्रीमती बेलाबेला हिसाब मिलाउँथिन । नेताकाे श्रीमती बार्गेनिङ्ग गर्थिन र बेलाबेला कार्यकर्तालाई थर्काउँथिन् ।
– “चुनावमा टिकट लिने भए खुरूक्क काेसेली लिएर भेट्नु !”

अर्कातिर व्यापारीका श्रीमतीहरू नाफा पाउन व्यापारिक केन्द्रहरू खाेज्थिन् । दलालका श्रीमतीहरू व्युटिपार्लरमा घुइँचाे गरेर हैरान पार्थिन् । बेलाबेला माेवाइलकाे सूचना हेर्थिन् । घरमा गृहिणीहरू सबैका थिए। ती सबै कसै न कसैका गृहिणी पक्कै थिए । तिनलाई आफ्नै प्रकारकाे कामले फुर्सद हुँदैन थियाे । तिनकाे त कुरै छाेडँला तर यस बाहेक हरेक घरमा गृहिगी थिए नै । उनीहरूकाे न काम थियाे न त पेसा व्यवसाय नै । उनीहरूकाे जीवनकाे अभिन्न साथी माेवाइल थियाे । भिन्न साथी त श्रीमानहरू थिए ।

श्रीमानहरू पनि कम्ताका थिएनन् । श्रीमतीकाे प्रेममा अडिनुभन्दा अर्काकाे श्रीमतीसँग टाँस्सिन पुग्थे । अलि टाठाबाठाहरू घरबारमा शालिन थिए । एकदिन सबैजना गृहिणीहरूकाे छेउमा पृथ्वीकाे मानवीय लिला देखे । सुन्दर बाहुबली यमराज पृथ्वीकाे उमेरकाे समय सकिएका गृहिणीहरूलाई भेट्दै उमेर साेध्न थाले ।
– “तपाईकाे उमेर ?”
– “बीस वर्ष !”

झरिझुट्ट स्वरूपका यमराजलाई देखेर नेताकाे श्रीमतीले झपारेर भनिन् ।
– “के पारा हाे याे तपाईंकाे ? पुरूष भएर महिलाकाे उमेर साेध्न लाज लाग्दैन ?”
यमराज पृथ्वीमा लज्जानीति बाेध गरेर दलालकाे श्रीमतीकाे छेउ पुगेर साेधे !”
– “तपाईकाे उमेर ?”
– “साेह्र वर्ष !”
– “तपाईं त साठीकाे देखिनुहुन्छ त !”
– “ए तपाईं ! मेराे बुढाले कमाएकाे सम्पती भाेग गर्नै नदिने ? यही हाे तपाईंकाे लाेककाे धर्म ?”

यसरी नै सुन्दर बाहुबली यमराज सबैतिर गृहिणीहरूलाई उमेरकाे प्रश्न साेध्दै वास्तविक यमलाेक जाने हकदार खाेज्दै जाँदा बाटाेमा एउटा खुम्रे बुढीलाई बाटाेमा देखेर साेधे ।
– “तपाईकाे उमेर ?”
– “थाहा छैन !”
यमराजले आफूसँग भएकाे बुढीकाे जीवनकाे बहिखाता पल्टाए । पक्का पनि याे गृहिणी बुढीकाे यमलाेक जाने समय भइसक्याे भन्ने लागेर अर्काे प्रश्न काेट्याए ।
– “लाै ! आमै जानुपर्याे यमलाेक ! उमेर सकिए छ !”

बुढी गृहिणीले एकछिन अगाडि पाेल्टामा घुसारेर राखेकाे माेवाइल झिकिन् र यमराजलाई भनिन् ।
– “पख्नुस् ! पख्नुस् !! म एउटा काम गर्छु अनि ल !”
– “यस्ताे बुढेस कालमा पनि के गर्नुहुन्छ र ?”
– “यमलाेक जान लागेँ भनेर बुढालाई मेसेन्जरमा मेसेज पठाउँछु !”

यमराज हैरान भए । उनले बुढीलाई यमलाेक लैजाने सूचना चुहिने डरले चित्रगुप्तलाई खबर पठाए ।
– “यसकाे कैफियत जनाउनू !”

०००
काठमाडाैं