नेपाली हास्यव्यङ्ग्य अनलाइन पत्रिका

जो जो बिक्रिमा छ सबलाई किन्छु
को दिन्छ मलाई भोट
एक परिवारलाई एक लाख नै दिन्छु ।

चुनाव खर्च भनेर बिकासै नगरी कमाछु
टिकट पनि कन्फर्म छ मेरो त
किनकी पार्टीलाई बोरै लगेर थमाछु
गाऊ, टोल, क्षेत्र नै किन्छु
को दिन्छ मलाई भोट
एक भोटको दश हजार नै दिन्छु ।

पैसो भए पछि बिकास कलाई चाहिन्छ ?
हेर्नुस् यस्तो मौका फेरि फेरि कहाँ पाईन्छ ?
को गर्छ मेरो प्रचार
पेट्रोल, गाडी, जाँड रक्सी फ्री छ
को दिन्छ मलाई भोट
भोट हाल्न जाँदा मासु भात फ्री छ
जो जो आउँछ, गाउँ पालिका नै किन्छु
एक लाखको के कुरा म दुई लाख नै दिन्छु ।

काठमाडौं