नेपाली हास्यव्यङ्ग्य अनलाइन पत्रिका

बुद्धुहरूको देशमा जन्मिए बुद्ध
त्यसैले उनलाई
न कसैले राम्ररी चिन्छ
न अरुले दिएको जस्तो सम्मान दिन्छ
बुद्धहरू त बिक्रिमा छन्
उनलाई हरेक दिन आएर, अरुले किन्छ
सारा संसार यहाँ बुद्धलाई खोज्दै आउँछ
बुद्धुहरू ?
अरुलाई खोज्दै अन्ततिर धाउँछ !
के हामीलाई बुद्धबासी भन्न सुहाउँछ ?
शान्तिका प्रतिक बुद्ध
सदभाव प्रतिक बुद्ध
अन्त गएर के यो पाउँछ ?
हिरा फालेर हामी सुन खोज्छौं
किन कि हामी लद्दु छौं
बुद्धबासी भएर बुद्धलाई चिन्दैनाैँ
किन कि हामी बुद्धु हौं ।

०००
काठमाडौं