नेपाली हास्यव्यङ्ग्य अनलाइन पत्रिका

अन्तर अनुभूतिको उछाल
मध्यान्तरको
सामुद्री किनाराझैँ
बुरुक्क उफ्रदा
-तानाशाहका अङ्कुशहरू
-बेइमानका बन्धनहरू
-बेमौसमी अलाप/विलापका रागहरू
-रागभित्रका सुरागहरू
र सुरागभित्रका कुरागसँगै
गाँठा पर्दै कुविचारका
जञ्जीर दाम्लाहरू
हुन्छन्
त्यसरी नै चकनाचुर
हुन्छन् जसरी
शिकारीका सामु
सिंह ढल्छ अनायास
मस्त सुतेका
बङ्गुर शासकहरू !
त्यसरी नै
-छोपिन्छन्
-उडाइन्छन्
जसरी मध्यान्नपछिको
सामुद्रीज्वार
-बगर ढाकेर बसेका
-सामथ्र्यरहित ठानेर बसेका
-जिस्काउँदै मयलमयलले
-जिउ माड्दै
-गिल्लिदै
-हाँस्दै/छिल्लिदै
-छिल्लिदै र हाँस्दै
-कपडा भिजाउँदै
-डुङ्डुङ्ती गनाएको मयलले
-फोहर गर्दै गरेका
-जमातमाथि जमातका
मान्छे हुत्याउँछ आफैसँग
पशुहरू
-चाहे जटाधारी हुन्
-चाहे छद्मभेषी
-चाहे हिंसा अघाएर
-पचाउन पल्टेका हुन्
-चाहे प्रकृति चेपेर मुखमा
भिजाउन तत्पर
गुलेलीले गिद्ध डराएझैँ
माथि माथि
आकाशमा ज्वार उछल्छ
शक्तितरङ्ग
-किनारा उफ्रन्छ
-पत्थर सर्छन् पछिल्तिर
-पहाड झुक्छन्
अर्फियसको बाँसुरीलेझैँ
न हेप
सानो तर पवित्र
जलतरङ्गलाई
देखियो –
अनाधिकारिक बन्दुक उफारेर
शक्तिसञ्चयको
आसन जमेको हिट्लर पनि
ग्याँसच्याम्बरको आगो
फेरिएर
चिता पोलियो
-कुल्कुलाउँदी प्रेमिकासँगै
आत्महत्याको जठराग्नि
कम थिएन
ग्याँसच्याम्बरभन्दा
बन्दूकको निशानमा
सान उफ्रेको
देखियो माओ तुजुक पनि
पत्नीद्वन्द्वको जठराग्नि
कम रहेन ग्याँसच्याम्बरभन्दा
स्टालिन मनमानसको
-नरसंहार
गोयवेल्सको अन्तर
कहालीलाग्दो अपराध
र यिनले भोग्दै गरेका
इतिहासका जठराग्नि पनि
कम रहेका छैनन्
ग्याँसच्याम्बरभन्दा
विश्वमै
कहालीको आगो रोपेर
अङ्गारको खेतीमा
देवत्वको आसन ताक्ने
तिम्रो
सामुमै छ ओसामाविन
सद्दाम घाँटीमा
लड्केको डोरी
तिम्रै आसनसामु
झुण्डिरहेछ
घाँटीको प्रतीक्षामा !!

काठमाडौं