हेमराज पन्तकुखुरी काँ नयाँ संस्करण
खै भ्रष्टाचार ? कार्यकर्ताले लुकायो ।। खै कार्यकर्ता ? दलको गुटमा बिलाए ।। खै दल ? सुक्यो ।। नेता हिँडे तिरैतिर । जनतालाई देशको पीर ।।
कुखुरी काँ ।
बासी बजेट खाँ ।।
खोइ बासी बजेट ?
नेताले खायो ।।
खोइ नेता ?
बालुवाटारले चिन्यो ।
खोइ बालुवाटार ?
विदेशीले किन्यो ।।
खोइ विदेशी ?
दुतावासतिर हिन्यो ।।
खै दुतावास ?
दलभित्र पसे ।।
खै दल ?
एम.सी.सी.खान बसे ।।
खै एम.सी.सी. ?
नेताजीले किने ।।
खै नेता ?
दुलो भित्र पसे ।।
खै दुलो ?
दलले लुकायो ।।
खै दल ?
भ्रष्टाचारले सुकायो ।।
खै भ्रष्टाचार ?
कार्यकर्ताले लुकायो ।।
खै कार्यकर्ता ?
दलको गुटमा बिलाए ।।
खै दल ?
सुक्यो ।।
नेता हिँडे तिरैतिर ।
जनतालाई देशको पीर ।।
पाटन २ सिलंगा, बैतडी
हालः-पहलमानपुर, कैलाली
Subscribe
Login
0 Comments
Oldest
