नेपाली हास्यव्यङ्ग्य अनलाइन पत्रिका

अल्जाइमर्स लागेको मलाई
मैले आफूलाई चिनेदेखिकै हो
थाहा थियो,
आफूले शब्द बोल्नथालेदेखिकै हो
थाहा थियो,

कसलाई चिन्ने, कसलाई नचिन्ने,
अनि के सम्झने उसको बारेमा,
के नसम्झने मेरो आफ्नै बारेमा,
यो अल्जाइमर्स
म सानै हुँदादेखिकै संकेतहरू
बिस्तृत रुपमा थिए
अल्जाइमर्स लागेको मलाई
मैले आफूलाई चिनेदेखिकै हो,
थाहा थियो ।

कुरा अब यो न आयो,
के सम्झनु, कसलाई सम्झनु,
कुन ठाउँ सम्झनु, कस्तो कूरा सम्झनु,
अनि सम्झनु नै किन, आखिर, अन्ततः
देखे पनि थाहा नभएको जस्तो
सुने पनि नबुझे जस्तो,
हेरे पनि, पहिचान र परिचित नभए जस्तो,
बोल्नु पर्ने बेलामा पनि,
भित्रबाट आवाज रोकिए जस्तो,
यो त बारम्बार भइरहन्थ्यो ।

अल्जाइमर्स लागेको मलाई
मैले आफूलाई चिनेदेखिकै हो,
थाहा थियो ।

०००
वर्गेन, नर्वे