माणिकरत्न शाक्यदुई छेस्का कविता
अब तपाई नै भन्नुस् महाशय ! तिनकै साख्खै तरुनी छोरीलाई कुन साइनोले सम्वोधन गरूँ हजुर, आज्ञा होस् ।
१. डाक्टरी
आमाले छोरीलाई सोधी-
ज्वाइँ के काम गर्नुहुन्छ ?
छोरीले जवाफ दिई-
उहाँ त डाक्टरी गर्नुहुन्छ
धेरै दिनको रसबसपछि पो
थाहा पाईन् आमाले-
ज्वाइँ साव त
डाक्टरको ल्किनिकमा
बिरामी डाक्ने काम
डाक्+टरी पो गर्नु हुँदोरैछ ।
२. जमाना
चाउरी परेको बूढीलाई- बूढी भन्नुहुन्न
चाउरी परेको बूढालाई- बूढा भन्नुहुन्न
विग्रेको डिक्ची जस्तै अनुहार बनाएर
यी दुबै रिसाउँछन्
अब तपाई नै भन्नुस् महाशय !
तिनकै साख्खै तरुनी छोरीलाई
कुन साइनोले सम्वोधन गरूँ हजुर, आज्ञा होस् ।
०००
सरस्वतीनगर, चाबहिल
Subscribe
Login
0 Comments
Oldest
