नेपाली हास्यव्यङ्ग्य अनलाइन पत्रिका

माणिकरत्न शाक्य :

१. नेतागिरी
काेही बिगार्छन्
काेही बनाउँछन्
पुन: भत्काउँछन्
पुन: बनाउँछन्
बनाउँदा बनाउँदै
बिगार्दा बिगार्दै
विदेशी ऋण सबै डकार्छन्
बिकास भएन भन्दै फेरि
भाषणमा तिनैले हकार्छन् ।

२. क्या जमाना आएछ
चाउरी परेकी बुढीलाई बुढी भन्नुहुन्न
चाउरी परेकाे बुढालाई बुढा भन्नुहुन्न
बिग्रेकाे डेक्ची जस्तै
अनुहार बनाएर यी दुबै रिसाउँछन्
अब तपाईं नै भन्नाेस् महाशय !
तिनकै साख्खे तरूनी छाेरीलाई
कुन साइनोले
आज्ञा हाेस् !

३.सहमतिकाे अर्को रूप
स=सल्ला
ह= हल्ला
म= मेलमिलाप
ती= तितरबितर

४. अवतार
त्यत्रा त्यत्रा जनआन्दाेलन भए
त्यत्रा त्यत्रा क्रान्ति भए
आजसम्म एउटा पनि नेता मरेन
त्याे नेता कतै
विष्णु भगवानकाे
अवतार त परेन ?

०००
चाबहिल, सरस्वतीनगर