लक्ष्मण नेवटियासोच्नु त पहिले नै पर्ने थियो
जसलाई जिताउनु पर्ने उसैलाई हराइ छाडेको कारण उही मोलतोल गरेर पायो रकम जे जति मागेको । प्रश्न गर्ने किन ? भोग्नु त अहिले नै पर्ने भयो ।
चुनाव यता- ऊ उड्यो उता
माम पायो जता
आफूले रुचाएको व्यक्ति अब
झिनो मतान्तरले हार्दा
प्रश्न गर्ने किन ?
सोच्नु त पहिले नै पर्ने थियो ।
उसका साथी
भोट हाल्न थिए लाइनमा
ऊ टिल्ल परेको वाइनमा
-प्रश्न गर्ने किन ?
सोच्नु त पहिले नै पर्ने थियो ।
भोट हाल्ने बेला
विवेकको नगर्दा कदर
-भोट भयो बदर
-प्रश्न गर्ने किन ?
सोच्नु त पहिले नै पर्ने थियो ।
ऊ हार्यो
जो देशका लागि थियो खास
ऊ मस्त थियो खेल्न जुआ तास
अब जित्नु पर्ने नै हार्दा-
उड्यो होश हवास
प्रश्न गर्ने किन ?
सोच्नु त पहिले नै पर्ने थियो ।
जसलाई जिताउनु पर्ने
उसैलाई हराइ छाडेको
कारण उही मोलतोल गरेर
पायो रकम जे जति मागेको ।
प्रश्न गर्ने किन ?
भोग्नु त अहिले नै पर्ने भयो ।
०००
विराटनगर
