अन्जु शर्मासंंवैधानिक हिंसा
समाजमा न्यायका कुरा उठाइए धनीले धनी बन्न पाउने गरिबले गरिब बन्न पाउने सामन्तहरू यतास्थितिमा रहन पाउने ।
कसैलाई दुई पतिको आवश्यकता
कसैलाई दुई पत्नीको आवश्यकता
पति पीडितहरू पतिको बिरोध गर्दै उठे
पत्नी पीडितहरू पत्नीको बिरोध गर्दै उठे ।
समाजमा न्यायका कुरा उठाइए
धनीले धनी बन्न पाउने
गरिबले गरिब बन्न पाउने
सामन्तहरू यतास्थितिमा रहन पाउने ।
प्रकृतिले दिएको परिचय
बाढीपीडित, भुइँचालो पीडित …
सबैले आ-आफ्नो पहिचान सहितको
आरक्षणको दाबी गरे ।
जनजाति, दलित, आदिबासी
नेपालबासी, प्रबासी,
सबैको हक, अधिकार सहितको राज्य ।
तर
पितृसत्ताको नुनिलो आँसुले प्यास मेटाउँदै
आएकी एक कुलीन नारीकी,
१० बर्षिया छोरी, २५ बर्षिया अपाङ्ग नन्द,
अनि ४० बर्षिया विधवा साथीलाई
लुछीलुछी बलात्कार गर्दा
बलात्कारीलाई मृत्युदण्ड दिई
आफ्नो पहिचान बनाउन खोज्दा
संविधानको मस्यौदामा प्रतिरोध आयो ।
खुलस्त भनियो
“यौन हिंसांपीडितको कुनै पहिचान हुन्न ।”
अब भन-
यो संवैधानिक हिंसाको पीडित को ?
०००
रातो पुल, काठमाडौं
