नेपाली हास्यव्यङ्ग्य अनलाइन पत्रिका

राजनीतिक नियुिक्तमा आकाँक्षी नै धेरै
सवै आफै योग्य ठान्दै भन्ने पालो मेरै

पहुँचमा सामिप्यता संस्कार धेरै चल्ने
जसले सक्यो रिझाउन उसकै भाग्य बल्ने

साला, जेठान, भान्जा, भान्जी समष्टिमा योग्य
छोरी ज्वाईं स्वत राम्रो सबैभन्दा ढोग्य

अर्धांङ्गिनी सर्बयोग्य समानुपातिक धन्न
साली झनै योग्यताकी राजदुतै बन्न

यता फर्क्याे  उता फर्क्याे चारैतिर नाता
रगतका साइनो देखी कोशेलीका दाता

छरछिमेक परिवार योग्य सबैजना
आफन्तको भिडले ढाक्ने पूरै सम्भावना

पहुँचको दह्रो अवसर राजनीतिमा सस्तै
सुशासनको ख्याल कहिले हुँदै गए यस्तै ? ।।

०००
अमेरिका