नेपाली हास्यव्यङ्ग्य अनलाइन पत्रिका

दलगत निष्ठाको करकापमा
लगाइयो स्वस्तिक उनकै छापमा
तर राजनैतिक स्वार्थको चापमा
स्वात्तै सारा युक्ति परे धरापमा ।
ल फेरि बसौं कुरेर आफ्नो पालो,
गुटबन्दीको रापमा, जय जय गर्दै,
कुर्सीदेवीको जापमा ।

नलगाउँदा ढोकामा रोका- २
उनी अंठ्याएर फर्किन लाग्दा,
उनलाई फिर्ता जानबाट
ढोकामा नलगाउँदा रोका ।
गजबले हानिहाले उनले
मौकामा चौका ।

भुइँको उठाउन खोज्दा
पोल्टाको पनि पोखिएछ ।
अब खोजिंदै छ
कसलाई बनाउँदा ठिक हुन्छ
बलिको बोका ।

कारण एउटै
बन्धन यता सम्बन्धन उता,
सबै यहाँ भएर कुर्सीका भोका
हरे जति बेला पनि “लौ खा” !!!

ठिक बेला ठिक ठाउँमा नहिर्काउँदा
भएभरको सबै गुमाउने ।
बुझेर पनि बुझ पचाउनेलाई
कति सम्झाउने ??

०००
विराटनगर