नेपाली हास्यव्यङ्ग्य अनलाइन पत्रिका

यसपटक नेताज्यूले,
ठूलो त्याग गर्नु भयो !
आफू चुनावमा नउठेर,
श्रीमतीलाई टिकट दिलाउनु भयो !
छोरी र बुहारीलाईलाई समानुपातिक कोटामा राख्नु भयो !
०
नेताज्यू पटक पटक त्याग गर्नु हुन्छ !
कहिले विचार त्याग गर्नु हुन्छ !
कहिले संविधान त्याग गर्नु हुन्छ !
कहिले बन्दूक त्याग गर्नु हुन्छ !
०
नेता ज्यूको महानता नै त्याग हो !
नेताज्यू,
मलमूत्र त्याग गर्नु हुन्छ !
धर्म संस्कृति त्याग गर्नु हुन्छ !
देशको सपना त्याग गर्नु हुन्छ !
०
नेताज्यू महान त्यागी हुनुहुन्छ !
तर नेता ज्यू !
कमिसन त्याग्नु हुन्न !
छलकपट त्याग्नु हुन्न !
नातावाद त्याग्नु हुन्न !!
०
त्यागी नेता जिन्दावाद !

०००
गोरखा