नेपाली हास्यव्यङ्ग्य अनलाइन पत्रिका

लैङ्गकि विभेद अन्त गर्न,
तिम्ले कर्म गरेकै छौ ।
नारी संख्या धेरै भाछ,
दुईचार बिहे गरेकै छौ ।

जात, धर्म, बर्ग तोडी,
विजातिय भित्र्याकै छौ ।
त्यसैले त तिम्रा लागि ,
पुरस्कार दिलाका छौ ।

मना गर्छौ किन तिमी ?
चलेकै छ यस्तो चलन ।
राम्राको त हैन यहाँ,
हाम्राको ठाउँ पाएकै छौ ।

तिमी जस्ता धेरै -धेरै,
होमिएथे युद्धकालमा ।
तिम्रो नाम धन्य-धन्य,
संझिएथ्यौं बालुवाटारमा ।

पति-पत्नी, छोराछोरी,
वियोगको पीडा बोकी ।
गुमाएर हात-खुट्टा,
यु्द्धकालको घाउ बोकी ।

सडकको किनारमा,
माग्दैछन् रे भिख जनता ।
पुरस्कारको ठेली बोकी,
त्यसै आछौ हामी नेता ?

०००

काठमाडाैं