नेपाली हास्यव्यङ्ग्य अनलाइन पत्रिका

१.
घरको धुरीमा चील बस्यो
दैलाबाटै भित्र सर्प पस्यो
के अशुभ हुन्छ ममा लौन !
हातैको लड्डु भुइँमा खस्यो ।

२.
उत्तर सिरान गरेर सुत्न पुगेछु
निन्द्रा नपुग्दै उठ्न पुगेछु
गर्न हुँदैन भनेर जान्दा जान्दै
आफैले कालो तील भुट्न पुगेछु ।

३.
घर अगाडि काग पनि कराएको छ
केराको पात झण्डा जस्तै फर्फराएको छ
खै नेता नै पाहुना लग्ने हुन्की आज ?
बिहानै चुल्होमा आगो भर्भराएको छ ।

४. छोरा छोरीको लागि हीरा फोरिएनछ
पूर्व जन्ममा खुर्सानी चोर्दै चोरिएनछ
यस जुनीको जागिर त आफूलाई मात्र भयो
नातिलाई पुने गरी केही जोर्दै जोरिएनछ ।

५. पिँढीमा बोझ बिसाएर तल झरेकै छैन
शरीरले अझै खुट्टाको भर परेकै छैन
भारीबाट नाम्लो उतारिन क्यारे मैले ?
तब न थकाई मर्दै मरेको छैन ।

०००
पोखरा- १०, हाल संयुक्त राज्य अमेरिका