तीर्थराज अधिकारीगुदी
दुईचार अक्षर कोरिएकै छ बगरका पत्थर फोरिएकै छ गर्ने त निर्वाह हो, हुँदो रहेछ भोजनार्थ हातमुख जोरिएकै छ।
तीर्थराज अधिकारी :
सारा संसार डुलियो
काँस समान फुलियो
देखावटी गर्दा गर्दै-
आफ्नै औकात भुलियो।
००
दुईछाक खाइएको छ
जिउमा टालो लाइएको छ
गाग्रीमा पानी भए पछि
रोचा किन चाहिएको छ ?।
००
दुईचार अक्षर कोरिएकै छ
बगरका पत्थर फोरिएकै छ
गर्ने त निर्वाह हो, हुँदो रहेछ
भोजनार्थ हातमुख जोरिएकै छ।
०००
पोखरा १०, हाल-संयुक्त राज्य कमेरिका।
Subscribe
Login
0 Comments
Oldest
