नेपाली हास्यव्यङ्ग्य अनलाइन पत्रिका

तीर्थराज अधिकारी :

१. नागरिकको शिर
यहाँ सम्झौता गरेर अपराध लुकाइन्छ
भागबण्डामा मूख्य गाँठो (ग्रन्थि) फुकाइन्छ
यस्तै चलिरहेछ यो देशमा अझै पनि
दुनियाँमा नागरिकको शिर झुकाइन्छ।

२. कस्ले पढ्ने हो ?
हावाले उँडाउने हो कि, भुमरीमा गड्ने हो ?
मन्दिरमा पर्ने हो कि, रछ्यानमा सढ्ने हो ?
ठेगाना नलेखेको चिठी समान रहेछ जिन्दगी
कहाँ पुगिन्छ, कस्ले हेर्ने, कस्ले पढ्ने हो ?

३. धमिलो राजनीति
सुध्रिन्छ देश सङ्कल्प गमिलो भयो भने
तोडिन्छ मित्रता सम्बन्ध अमिलो भयो भने
बुद्धिजीवी मूर्तिजस्तै निष्कृय हुनु भएन
देशै बिग्रन्छ राजनीति धमिलो भयो भने।

०००
पोखरा १०, हाल-संयुक्त राज्य अमेरिका।