तीर्थराज अधिकारीतीन थरी मुक्तक
ठेगाना नलेखेको चिठी समान रहेछ जिन्दगी कहाँ पुगिन्छ, कस्ले हेर्ने कस्ले पढ्ने हो ?
तीर्थराज अधिकारी :
१.
हमेसा स्वहितमा मन्दियो भने
लोकले मतलवी भन्दियो भने
आडम्बरी व्यर्थ हुनजान्छ मित्र
आदतनै स्वभाव बन्दियो भने।
२.
सुध्रिन्छ देश सङ्कल्प गमिलो भयो भने
तोडिन्छ मित्रता सम्बन्ध अमिलो भयो भने
बुद्धिजीवी मूर्तिजस्तै निष्कृय हुनु भएन
देशै बिग्रन्छ राजनीति धमिलो भयो भने ।
३.
हावाले उँडाउने हो कि, भुमरीमा गड्ने हो ?
मन्दिरमा पर्ने हो कि, रछ्यानमा सढ्ने हो ?
ठेगाना नलेखेको चिठी समान रहेछ जिन्दगी
कहाँ पुगिन्छ, कस्ले हेर्ने कस्ले पढ्ने हो ?
०००
पोखरा १०, हाल-संयुक्त राज्य अमेरिका।
‘फित्कौली” ई-पत्रिका, मेरा मुक्तकहरुलाई स्थान दिनु भएकोमा हार्दिक आभार! यस पत्रिकामा रचना प्रकाशित हुनुमा म ठुलो उपलब्धि महसुस गर्दछु।