तीर्थराज अधिकारीतिक्त अनुभूति
गरिबी भन्दा अनुभूति तीतो हुँदो रहेछ पुस्तैनी भूमिमा बस्न नसकी बसाईँ सर्छ।
तीर्थराज अधिकारी :
१.
सादा जीवन जिउन मन लाग्छ
उध्रेको वस्त्र सिउन मन लाग्छ
तनमा जलीय तत्व कमी हुँदा
झर्नाको पानी पिउन मन लाग्छ।
२.
सज्जनले नशा लिँदैन, कहिल्यै पनि खाँदैन
शक्तिहीन दशा जानेर कसैले साथै लाँदैन
बुझनेलाई एक इशाराले काम गर्छ साथी !
सुस्त घोडा कशा प्रहार बिना अगाडि जाँदैन।
कशा>(कोर्रा; चाबुक)
३.
निर्धनभै जन्मन्छ, अभावै अभावमा मर्छ
शिक्षा र सामाजिक मामलोमा पछाडि पर्छ
गरिबी भन्दा अनुभूति तीतो हुँदो रहेछ
पुस्तैनी भूमिमा बस्न नसकी बसाईँ सर्छ।
०००
पोखरा १०, हाल- संयुक्त राज्य अमेरिका।
ख्यालठट्टा, हँस्सीदिल्लगी र ठटेउलो पनका सामग्रीले भरिपूर्ण तथा मूर्धन्य हास्य कलाकार व्यक्तित्वहरुको संलग्नतामा हुर्किएको र विशिष्टताको कसीमा संपादित प्रसिद्ध नेपाली हास्यव्यङ्ग्य अनलाइन पत्रिका “फित्कौली” मा मेरो “तिक्त अनुभूति” शीर्षक मुक्तकहरु प्रकाशित गरिदिनु भएकोमा “फित्कौली” परिवारप्रति हार्दिक कृतज्ञता प्रकट गर्दछु।