आऊ हामी नं. वान बनाऔँ
गाउँमा बुढाबुढी मात्र थुपारौँ देशमा आर्थिक क्रान्ति गरौँ गफैगफमा मङ्गलग्रह चुमौँ जनता सबै टिकटकमा भिडौँ देशलाई सर्वोच्च शिखरमा पुर्याऔँ ।
आऊ हामी कृषि क्रान्तिको नारा घन्काऔँ
तरकारी अन्न सबै छिमेकीबाट भित्र्याऔँ
सम्बृद्धिको ठुलठुला भाषण गरौँ
आफूले सिन्कोसम्म केहि नभाँचौँ
देशलाई स्वच्छ हराभरा पारौँ
प्रदुषित शहरमा नं. एक नम्बर बनाऔँ
राजनीतिमा जनतालाई पङ्गु बनाऔँ
देशलाई सोमालिया र श्रीलङ्का बनाऔँ
जनता जसका जे सुकै हुन्
देशलाई खोक्रो मिलेर बनाऔँ
जस्ता पाल कोरोना केमा छ टन्नै
देशलाई हामी लुटेर देखाऔँ
देशलाई हामी समुन्नत बनाऔँ
युवा जति खाडी पठाऔँ
स्कुल कलेजमा सोसल पढाऔँ
गाउँमा बुढाबुढी मात्र थुपारौँ
देशमा आर्थिक क्रान्ति गरौँ
गफैगफमा मङ्गलग्रह चुमौँ
जनता सबै टिकटकमा भिडौँ
देशलाई सर्वोच्च शिखरमा पुर्याऔँ ।
आऊ हामी नं. वान बनाऔँ ।
०००
बुढानिलकण्ठ, काठमाडौं