नेपाली हास्यव्यङ्ग्य अनलाइन पत्रिका

१.
प्रभो सर्वेसर्वा तपाईं नभनिन्जेल के छापिन्छ र
यो दुनियाँमा निभेको आगो कहाँ तापिन्छ र
जे छु छँदैछु तिनको गुलामी गरिन्न पो
हार्दिक आभार भनेर पस्रिने काम नगर्दा के नापिन्छ र ॥

२.
भाषामा मार्सी फलाऊँ भनेको पाङ्दुर पनि नफल्ने भो
झलमल बत्ती बालूँ भनेको टुकी पनि नबल्ने भो
यसो पनि र उसो पनि नभएको हुँदा
मेरो यस क्षेत्रमा पनि केही नचल्ने भो ।

३.
बरु जानकारी नहुँदा लेठै थिएन
बरू त्यो बेला दिमाग कत्ति पनि खिएन
आज चारैतिरबाट चिमोटेर मरिने भो
लघुगुरुको भेदले पनि धर दिएन ॥

०००
भद्रपुर, झापा