नेपाली हास्यव्यङ्ग्य अनलाइन पत्रिका

पहाडियाको ठेलमठेल तराईकाको
कोचाकोच छ चितवनमा
मतपत्र च्यातेर, छोरी बुहारीले
काँचुली फेर्छन् यही चितवनमा
जाली फुटाउने घन्टी मात्र हैन
छतबाटै हाम फाल्छन् चितवनमा
कुकरमै पति गाल्छन्
बरिष्ट नेता फाल्छन् यही चितवनमा
झल्लुहरूले झापड खान्छन्
तान्छन् अनि हान्छन् चितवनमा
थाहा भो रामको अयोध्या
रंगशाला बन्दैछ चितवनमा
घुमेर देवघाटको तीर्थ
हेर्छन् पहेँलपुर फुलेको तोरी
यही चितवनमा
इलेक्ट्रिक डुङ्गा र सौराहा
घुम्छन् यही चितवनमा
थारु संस्कृतिको गौरव धान्दै
चल्दैछ यो चितवनमा
अन्यत्र एउटै मात्र तर पटकपटक
चुनाव गरिन्छ यो चितवनमा
आविष्कार केन्द्र बनिरहेछ
अठहत्तरौँ जिल्ला यो चितवनमा ।

०००
बुढानिलकण्ठ, काठमाडौं