उत्तम विचारआम माफी
बन्न राजा सयौँ दौडिने रेसमा लाग्छ देख्दा अझै भूप छन् देशमा । तन्त्र छाडा भयो जिस्किने छन् कति आम माफी दिने राष्ट्रका छन् पति ॥
उत्तम विचार :
चोर छुट्छन् जहाँ साधु चढ्छन् सुली
भेष फेर्ला न यो राष्ट्रले काँचुली ।
देशमा न्यायको चल्छ के पद्धति
आम माफी दिने राष्ट्रका छन् पति ॥१।
कानुनी राज्यमा हुन्छ न्यायालय
पालना गर्दछन् न्यायको निश्चय ।
चल्छ आदेशमा हुन्छ के उन्नति
आम माफी दिने राष्ट्रका छन् पति ॥२।
वाद ल्यायौँ नयाँ छन् पुराना कता
हट्छ्भन्दा यहाँ बढ्छ झन् दासता ।
मार्ग उल्टो हिँडे मिल्छ के सङ्गति
आम माफी दिने राष्ट्रका छन् पति ॥३।
देश लुट्ने भए भेष लुट्ने भए
खान पाए मिले नत्र फुट्ने भए ।
तन्त्र औ मन्त्रका देख्छु एकै गति
आम माफी दिने राष्ट्रका छन् पति ॥४।
बन्न राजा सयौँ दौडिने रेसमा
लाग्छ देख्दा अझै भूप छन् देशमा ।
तन्त्र छाडा भयो जिस्किने छन् कति
आम माफी दिने राष्ट्रका छन् पति ॥५।
००००
काठमाडौं
