गाेपेन्द्रप्रसाद रिजालदे सरकार दे !
यो सहवासले नेता थुन्छ अभिनेता थुन्छ कर्मचारी थुन्छ ब्रह्मचारी थुन्छ उस्तै झोँक चले सहवासले थुन्नेलाइ नै थुन्छ ।त्यसैले सरकार दे दे जागिर दे सत्ता दे भत्ता दे गाँस, वास कपास सबै दे साथमा एउटा सहवास दे ल ? लन्ठै साफ !
गोपेन्द्रप्रसाद रिजाल :
ओ सरकार !
देश र जनतालाई
नेता दिइस्
अभिनेता दिइस्
कर्मचारी दिइस्
ब्रह्मचारी दिइस्
झोले झ्याम्टे दिइस्
हुक्के चिलिमे दिइस्
खेलाडी दिइस्
पेलाडी दिइस्
उनिहरूलाई
गाँस दिइस्
बास दिइस्
कपास दिइस्
तर
सहवास दिइनस्
अनि त सहवास
संसद भवन छिर्छ
सिंहदरबार छिर्छ
कार्यालय छिर्छ
तलदेखी माथिसम्म
सबैतिर छिर्छ
यो ज्याद्रो सहवास
सिसि क्यामेरा फुटेज जान्दैन
होटल रिसोर्टको कटेज मान्दैन
मात्तिन्छ सहवास
तातिन्छ सहवास
पात्तिन्छ सहवास
अन्तिममा आत्तिन्छ पनि सहवास ।
नो नट अगेन
फर्गट एस्टर्डे
जेजे बोले पनि
यो सहवासले
नेता थुन्छ
अभिनेता थुन्छ
कर्मचारी थुन्छ
ब्रह्मचारी थुन्छ
उस्तै झोँक चले सहवासले
थुन्नेलाइ नै थुन्छ ।
त्यसैले सरकार
दे दे जागिर दे
सत्ता दे
भत्ता दे
गाँस, वास कपास सबै दे
साथमा एउटा सहवास दे ल ?
लन्ठै साफ !!!
०००
काठमाडौं
Subscribe
Login
0 Comments
Oldest
