विदुर केसीदशैँ दशा भो
बाटो हेरियो आएन हिजो साथीको फोन आयो "बा, ब्रो गयो" " के भन्यौ बाबू, बुझिन ?" "तिम्रो छोरो मेरो साथी यो संसारमा छैन मर्यो उसको बाकस आउने छ बुझेर लिन जानू हाम्रो दिन यस्तै बुझ्नू ।"
विदुर केसी :
मालश्री धुन विरक्तियो
गाउँघर उजाडियो
पिङ हाल्न बाँस काटेनन्
बाबियो डोरी बाँधेनन्
पिङमा मच्चिने भएनन्
चिउरा कुटेनन्
खसी ढालेनन्
नेताजीकाँ खसी काटे
मार नछिनेको खसी करायो
उसको रोदनले आत्मा रोयो
गाउँमा युवा रित्तिए
हाम्रो कान्छो पनि विदेशियो
खबर गरेथ्यो
दशैँमा आउन नपाउने भएँ
आईएमईबाट खर्च पठाउँछु
बाटो हेरियो आएन
हिजो साथीको फोन आयो
“बा, ब्रो गयो”
” के भन्यौ बाबू, बुझिन ?”
“तिम्रो छोरो मेरो साथी
यो संसारमा छैन मर्यो
उसको बाकस आउने छ
बुझेर लिन जानू
हाम्रो दिन यस्तै बुझ्नू ।”
०००
२०८० कात्तिक ८
नागार्जुन नपा १०, स्युचाटार (कलङ्की) काठमाडौं
Subscribe
Login
0 Comments
Oldest
