नेपाली हास्यव्यङ्ग्य अनलाइन पत्रिका

नवराज पाेखरेल ‘नवशिला’ :

१.
नेता हौँ है यही देशको उच्च क्रान्तिकारी,
गोड्न साह्रै सिपालु छौँ राजनीतिको बारी ।

२.
नेता हौँ है भोट दिनु संसदभित्र छिर्छौंँ,
बन्छौँ भ्रष्टाचारी अनि सबको गुन तिर्छौँ ।

३.
मोज गर्न ल्याएका हौँ हामीले गणतन्त्र,
सिकाउँछौँ भ्रष्टाचार र दलालीको मन्त्र ।

४.
ठुलो नेता बनाउनु भो चट्ट भोट हाली,
अब पदमा पुर्‍याउँछौँ हाम्रा साला साली ।

५.
भोट जितेर लाग्यौँ अब आफ्नै पेट भर्न
भत्ता खाँदै संसदमा हिँड्यौँ हाजिर गर्न ।

०००
५ मङ्सिर २०८०,

बेलबारी -२, लालभित्ती, मोरङ हाल : गोदावारी, ललितपुर ।