नेपाली हास्यव्यङ्ग्य अनलाइन पत्रिका

साधुराम खड्का :

चम्चा नै हाे मुख र हातकाे बिच
चम्चाले बाेकी जे ल्याओस्
लतारिन्छ सबै नाक मुन्तिर
भैँसी हाेस् कि कुखुरा र खसी
चम्चैले सहज पुर्याउँछ कतै नठाेसी
कलमा पनि छ चम्चाकाे काम
छलमा त झन् के भन्नु छ र
चम्चैले चलेकाे देश मेराे भन्नु के छ र
कहिले हुन्छ चम्चाकै हानथाप
कहिले हुन्छ तिनैका चाटाचाट
मन मिले देशदेशान्तर हुन्छ सवार
मति बिग्रे लाग्छन् तिनै पुर्याउन मसानघाट
चम्चाले चलेकाे भान्सा चम्चामा नै छ परिवार
चम्चाले चलाइन्छ देश चल्छ यसैले संसार
खटाइन्छ गाँस भरिदिन्छ भरपेट
चम्चामा नै रैछ गरिदिने साँठगाँठ ।
०००

बूढानिलकण्ठ, काठमाडाैं